آخرین مطالب
امکانات وب
اختره چى راځې نو خوشالي درسره راوړه
شيندليو ولسو ته ورورولي درسره راوړه
اختره چى راځې ځان سره راوړه اتحاد
يو ځاى مو ټول ملت کړه بی له تا يو په فرياد
اختره په راتګ مو ګران ولس کړه راته ښاد
کوتره کړه راپورته زندګي درسره راوړه
اختره چى راځې نو خوشالي درسره راوړه
&&&
اختره په راتګ به دى موږ هغه وخت خوښيږو
فضا چى ددوستۍ وي موږ د يوبل نه ځاريږو
نفاق نفرت چې ورک کړى نو په تا به مېنيږو
کيني زړونو کې ورکې کړه دوستي درسره راوړه
اختره چى راځې نو خوشالي درسره راوړه
&&&
اختره د ټوپک پر ځای په لاس مو چې قلم شي
د بم نه چې لاس واخلو کتاب زموږ زړه مرهم شي
مسکن په ترقې کې ټول کارونه مو چې سم شي
عادل ته يو ډالۍ دا نيکمرغي درسره راوړه
اختره چى راځې نو خوشالي درسره راوړه
نسيم شاه عادل
چې سر باندې مې وخیژې...ما را در سایت چې سر باندې مې وخیژې دنبال می کنید
برچسب : نویسنده : nasimshahadel بازدید : 100