د زړه دردونه

د زړه دردونه می لا پټ دی د لــــیدلو نه دي

ډيرې ګیلې په زړه لرم چـــــــې د ویلو نه دي

چا چې زما په ژوندانه باندې لمبې پورې کړې 

ستا اوسیدل هغوي سره بیا د زغملو نه دي

نا منظم ټولی همیش فکر په دی کوي چې

دا منظم اشخاص په دوي کې د منلو نه دي

دا چې په خاوره د وطن یې قرباني ورکړی

دغه نامـتو اتــلان هیڅ د هــــیرولو نه دي  

چې یې هیواد خرڅ کړو بدل کنډوالو یې کړلو

داسې نومونه په تاریـخ کې د لیـکلو نه دي

عادله ستا زړګی پدې درد او فریاد کوي چې

ډيرو خاینو ته القاب د ورکولو نه دي.

نسیم شاه عادل